La tutarella e la zampogna amica
vanne sunanne pe la Cuncezziona
e notte e juorne penza ogni guaglione
a lu pressepie re la grotta antica.
E lassa lu pallone e le schiuppette
p'j truuanne la creta e la carpija
o irzene fermanne pe la vija
nnanze a le pasturielle 'e Menechette.
Po' prepara muntagne e paisielle
e vicine a la paglia re la capanna
mette lu bove che lu ciucciarielle.
Quann'è la Mezanotte 'u Bambenielle
che ce surride ngopp' a chella paglia
ncanta giuvene, viecchie e guagliuncielle!
(Nina Guerrizio)
Nessun commento:
Posta un commento